இதய ஊஞ்சல்

இதய ஊஞ்சல் 

தொடர்வண்டி பெட்டி உள்ளே
தொங்கும் கைப்பிடி போல்
நிலையின்றி ஆடுதடி
எந்தன் இதயமது
உன்னைக் கண்டபோது.

புதிய பூ !

 செடியில் பூத்த பூக்களுக்கு

நொடியில் வந்ததோர் ஏக்கம்,

புத்தம் புதிய பூ ஒன்று

புதிதாய் எப்படி வந்தது என்று

புதிய பூவே, கொள்ளை அழகே

கொஞ்சம் நீயும் உண்மை கூறு

எங்களை விடவும் உன்னை இங்கு

இத்தனை அழகாய் படைத்தது யாரு. 

வாழ்க்கை

 

வாழ்க்கை பயணத்தில்

பொருள் தேடும் பொழுதினிலே

சற்று இளைப்பாறும் தருணங்கள்,

வாடிக்கை நாட்களிலே

ஓடுகின்ற ஓட்டத்தில்

சற்று கேளிக்கை வேண்டாமா,

தொடர்கின்ற பணியிடையே

குடும்பமாய் அனுபவிக்கும்

அலுக்காத இன்பங்கள்.

ந.ஆ.தாஸ்.

 கவிதை!

எப்போதேனும் நினைப்பதுண்டு

கவிதை எழுத வேண்டுமென்று!

அப்போதெல்லாம் தெரியாது

என் கவிதையே நீ என்று.

(அழகிய கவிதை படைத்த ஓவியர் மாருதி

அவர்களுக்கு சமர்ப்பணம்)